Tecendo Saúde: transformar a frustraçom em força criativa

Desanudar emoçons difíceis, canalizando-as cara a fins construtivos e criativos.

A frustraçom e a raiva som emoçons mui frequentes nos últimos meses. A atual situaçom sanitária está a colocar-nos frentre a desafios e cambios continuos. Diariamente estamos a lidar com expectativas que se frustram, planos que nom podemos levar a cabo, hábitos que nos vemos na necessidade de cambiar.

Para transitar esta situaçom de forma saudável é vital aprender a canalizar estas emoçons de modo a que nom se convertam em comportamentos de mal trato para conosco e para com as demais pessoas. Evitar que se cristalicem como amargura ou autocomiseraçom supondo um fator de risco para a nossa saúde e bem estar.

Transformar essas emoçons em criatividade que nos ajude a atopar novas respostas aos desafios vitais. Em força que nos impulse com potência cara a consecuçom dos nossos objetivos. E que nos inspire umha presença assertiva e confiante frente ao mundo. Estes som os objetivos deste novo Encontro Biocêntrico On Line Tecendo Saúde.

Tecendo Saúde é um projeto de cuidado comunitário da saúde e o bem estar no entorno vitual que emprega a palavra, a música e o movimento para:

– Vincularmo-nos com outras pessoas

– Compartir recursos para a saúde integral

– Acompanharmo-nos

– Estimular vivências de bem estar, vitalidade, serenidade e motivaçom para o cambio

Nom é necessário saber dançar. Só precisas ter ganas de compartir um espaço de nutriçom, dispôr de um computador com sistema de áudio e vídeo, conexom à internet e um espaço no que te poidas mover com certa liberdade.

Atividade de balde com compromisso de assistência. Se te inscreves comprometes-te a assistir salvo que suceda algum imprevisto. Nesse caso, prego-te avisar com a máxima antecedência possível.

Imprescindível inscriçom prévia: https://forms.gle/tACgDwMSa2FTtjsR6