Última sessom do obradoiro Enraizar em Compostela

Atualmente a transcendência está considerada como um fator protetor da saúde. A expansom da consciência e o desenvolvimento de umha ética existencial estám relacionadas com um maior bem estar e qualidade de vida.

Neste encontro propomo-nos a iluminar a capacidade de transcender e de sentir-nos em comunhom com a rede da vida. Transmutar situaçons difíceis em motivaçom para viver com o fim de seguir medrando em sabedoria e bem estar. Farêmo-lo através da música e do movimento, num clima afectivo e lúdico de nutriçom da nossa força interior.

Na alquimia a transmutaçom é a conversom de um elemento químico em outro. A busca da transformaçom de materiais simples em metais preciosos simboliza os processos de crescimento e mudança de consciência.

A transcendência fala da capacidade de transformar-nos e acadar umha maior sabedoria desde a conexom com a totalidade. Transcender é superar um limite, é acadar umha comprensom distinta e de maior alcance sobre àquilo que nos sucede.

A força interior nutre-se dessa capacidade de resignificar as situaçons difíceis, de transmutar emoçons limite e ir além da nossa história pessoal para conectar-nos com algo maior que nós. A consciência do universo, da natureza e da humanidade como parte de umha grande rede interdependente brinda-nos umha nova concepçom do viver. O crescimento como processo para acadar, no plano pessoal e coletivo, a possibilidade de gozar de umha existência significativa, na que cada quem poida viver com dignidade, cultivando os seus potenciais em equilíbrio e comunicaçom com a rede da que forma parte.

Próxima sessom sábado 12 de dezembro no local do Grupo de Capoeira Angola- Mestra Gegê (R/ das Cancelas, 77, baxo. Compostela) em duas opçons de horário: de 11 a 13hs ou de 17 a 19hs.

Os grupos serám reduzidos e cumpriremos as medidas sanitárias vigentes, empregando máscaras e respeitando as distâncias de segurança. O aporte econômico é de 20€. Se tens interesse mais nom podes achegar esta quantia, comenta-mo e buscamos umha soluçom.

Esta é umha atividade aberta a pessoas com qualquer identidade de gênero.

Inscriçons aqui