Recebemos a primavera e a sua promessa de luz, calor, fertilidade. No hemisfério norte é momento de plantar sementes para que a vida possa florescer com intensidade. A primavera representa a vitalidade, a criatividade, a expansom. A possibilidade de renovar cada dia, mesmo em situaçons de estrés, a energia necessária para desenvolver o nosso projeto existencial.
Em Biodanza concebimos a vitalidade como a pulsaçom entre a açom e o repouso. Dessa pulsaçom derivam os processo de renovaçom e equilíbrio orgânico, o que favorece a estabilidade dinâmica dos biosistemas e alimenta o fluxo de energia vital.
Através de vivências integradoras desde o corpo vamos aprendendo a transitar dum esquema de stresse a um esquema de harmonia. O que para nós encarna-se como vitalidade, motivaçom, coragem para viver e alegria. Por isso acreditamos que Biodanza é um fator de proteçom ante situaçons e modelos de vida stressantes.
Esta sessom propom-nos viver a oscilaçom entre actividade e repouso para revitalizar-nos. Aproveitar o clima do equinócio de primavera para vivenciar o equilíbrio, fator chave para encher-nos de vitalidade e ajudar-nos a florescer. Teremos a música, o movimento e o círculo de palavra como utensílios para tecer harmonia como fluxo de energia em permanente renovaçom.
Este é o convite para o próximo Encontro Biocêntrico On Line Tecendo Saúde que terá lugar o domingo 28 de março.
Nom é necessário saber dançar. Só precisas ter ganas de compartir um espaço de nutriçom, dispôr de um computador com sistema de áudio e vídeo, conexom à internet e um espaço no que poidas mover-te com certa liberdade.
Atividade com achega livre consciente*. Isso significa que contribues voluntariamente segundo a tua condiçom económica. Se neste momento nom podes fazer ningumha achega, serás igualmente bem vinde. Imprescindível inscriçom prévia: https://forms.gle/v9xNfmve9f6zFRbW7
* A que responde esse cambio?
Tecendo Saúde nasceu como um projeto piloto de investigaçom-açom durante o confinamento com o fim de oferecer um espaço de encontro, partilha e cuidado comunitário da saúde e experimentar com a ferramenta da Biodanza no contexto virtual. Depois de 6 encontros de balde no ano passado, de muitas aprendizagens, desacertos, reflexons, emoçons e novos contatos, consideramos que é chegado o momento de mudar ligeiramente as condiçons para encontrar um equilíbrio entre a acessibilidade e a sustentabilidade deste projeto e da vida da pessoa que o cuida. Daí que os vindeiros encontros sejam mediante achega livre consciente. A contribuçom poderá ser feita por transferência bancária ou Bizum.
Estes encontros som abertos a pessoas com qualquer identidade de gênero.
Recorda que para estar ao dia das atividades de Biodanza Cheia de Vida e receber recursos exclusivos umha vez por mês podes subscrever-te ao nosso boletim.