Muita coisa acontecendo este quatrimestre, tanto no plano pessoal como nesta missom de vida (hai quem lhe chame de “profissom”, para mim é vocaçom e chamado) que me trouxe a Biodanza e outras tecnologias pedagógicas e afetivas de sonho e materializaçom de bons viveres.
Chegamos ao fim de um ciclo. Esta lunaçom traz um tempo de recolhimento para este projeto. Afundaremos nisso, mas antes toca partilhar os frutos do trabalho destes meses. Um deles é o projeto Biodanza para o bom trato.
A semana passada teve lugar umhas das suas últimas atividades. Umha sessom organizada em parceria com a área de Igualdade dos Servizos Sociais de Brión. Um espaço-tempo de regeneraçom e de cultivo de vínculos. Também de enredos e possibilidades.
Nunca me aconteceu que um obradoiro dera passo a umha assembleia na que as participantes, de forma clara, assertiva e bemtratante, expressasem a representantes dos poderes públicos o que precisam, como querem e que responsabilidade estam dispostas a assumir para acadar o que consideram necessário para o seu bem estar.
Essa é a revoluçom do #botrato. Derrama-se da esfera pessoal e relacional para regar projetos de amor coletivo e contribuir ao bem comum.
Aqui podes ler a nova sobre essa atividade: https://enfoques.gal/compostela/brion/vecinas-de-brion-participan-en-el-taller-de-biodanza-movemonos-cara-o-bo-trato/