Saúde, bem estar e crescimento
O contacto é umha fonte de saúde e representa umha das açons terapêuticas mais importantes. Rolando Toro
Através do contato podemos tranquilizar-nos nos momentos de estrés ou ansiedade. Podemos revitalizar-nos se nos sentimos algo apagadxs. Com o toque somos capazes de aliviar dores crônicas e também de reforçar o nosso sistema imune. Mas a funçom terapêutica do contato vai para mais além.
Quanto mais agitadas som as águas e os ventos nos que nos movemos mais importante é encontrar um ponto de apoio. Essa força interior que nos enraiza, que permite manter-nos no nosso eixo e que facilita que poidamos dobrar sem romper-nos.
A respiraçom é o caminho mais direto para conectar-se com o próprio corpo e com o universo.
Inspirar a essência da vida, expirar àquilo que nos pesa, que nos sobra. Purificar tecidos, orgaos e emoçon nesse movimento de energizaçom e busca de harmonia orgânica.
Nos últimos meses experimentamos umha deprivaçom da respiraçom livre e ampla devido ao uso das máscaras como medida para frear os contágios. Que impacto está a ter essa prática para o nosso corpo e para as nossas emoçons? Nas relaçons que establecemos? Na nossa saúde?
Adaptadas aos protocolos sanitários e com as medidas de segurança para o cuidado da vida.
Durante todos estes meses a rede de profissionais de Biodanza estivemos (e seguimos) a trabalhar para adaptar à ferramenta ao atual momento sanitário, investigando e partilhando experiências e resultados para poder oferecer à comunidade umha Biodanza com toda a sua potência transformadora mas também com os cuidados que requer esta situaçom.
Algumha gente pergunta-me que é “educaçom para o bom viver,” umha das ramas do projeto Biodanza Cheia de Vida.
Ainda que aqui trato de explicar com detalhe, sinto que a melhor forma de visualizar essa proposta ou marco socioeducativo é através de atividades concretas. Atividades como esta que facilito o sábado 26 de setembro dentro do Espazo de Formación Antirracista Diverxentes, um projeto de Sos Racismo Galicia e coordenado pola admirada Sonia Mendes, com quem terei o prazer de partilhar a jornada.
