Arrancamos com a temporada outono-inverno

Com as primeiras chuvas de setembro vam germinando as primeiras atividades desta nova xeira. Duas oportunidades para reconectar ou para conhecer como trabalhamos em Biodanza Cheia de Vida e para ir preparando-nos para o que vai medrar durante os próximos meses.

O 10 de setembro estaremos nas jornadas de portas abertas da associaçom Vaidelas. Um projeto fermoso de creaçom de comunidade enfocado a proporcionar ferramentas para o crescimento profissional e persoal de e para mulheres. A programaçom é de 12h a 16h e conta cunha sessom de Biodanza titulada “Acorpando-nos”, dirigida a fomentar a creaçom de redes de apoio e colaboraçom entre mulheres ademais de outras atividades molonas. Aqui podes inscrever-te, é de balde.

O 8 e o 15 de setembro viajamos a Vigo para impartir o obradoiro “Movéndonos cara o bo trato” na Cooperativa A Morada da mam da associaçom Mulleres e Palabras, emarcado no projeto de Promoçom da Igualdade “Todas somos lilás” financiado pola Deputación de Pontevedra. De 17 a 20:30 da tarde estaremos compartindo chaves através da palavra e do movimento para dar passos cara a umha prática e ética do bom trato que nos ajude a viver e conviver de forma mais plena. Seica as prazas estam a voas, mais se calhar ainda chegas a tempo de reservar a tua. Esta atividade está subvencionada, polo que nom tem custe para as participantes.

Estamos felizes de começar este novo ciclo com colaboraçons tam nutritivas, nas que os cuidados, o apoio mútuo e o prazer estam no centro. Erotizar essa forma de trabalhar é sem dúvida umha prática de bom trato social que queremos espalhar mundo afora!